ပုံဆောင်အငွေ့အသက်များ

ဆေးစပ်ဗန်းထဲက ဆေးတွေတိုင်းဟာ
အရုပ်ဖြစ်မလာဘူး။

စိတ်ကူးယဉ်ထားတဲ့ နာမ်အငွေ့အသက်တွေကလည်း
တကယ်တယ်ဖြစ်မလာဘူး။

လုံးလုံလျားလျား ရွေ့လျားသွားတဲ့နာရီလက်တံတွေက
တကယ့်သေမင်း။

ပိုးဖလံလို  . .
ဆက်မမိုက်ချင်စမ်းပါနဲ့။

ပင်လယ်ရေဆိုတာ
လူတိုင်းအတွက် ငံပါတယ်။

မျက်မှန်စိမ်းတက်ခံလိုက်ရတဲ့
အညာကမြက်ခြောက်စားနွားတွေလို  . . .။

ဒီလိုနဲ့ . . ပေါ့။

အဆက်မပြတ်သေဆုံးနေတဲ့ ကမ္ဘာ့မြစ်တွေထဲမှာ
ဧရာဝတီကရောဘာမလို့လည်း  . . .?

မီလောင်နေတဲ့ ကမ္ဘာသစ်တောတွေထဲက
ဒေါ်လာစာမိသွားတဲ့ မြန်မာသစ်တွေကေလည်း
ပရိဘောဂအတွက်ပဲမဟုတ်လား။

သတင်းစာရှင်းလင်းပွဲဆိုတာတောင်မှ
သတင်းစာထဲမှာတင် မရှင်းမလင်းနိုင်ခဲ့ဘူးနော်  .. ။

ချစ်တော့လည်း  ..
ဒီသတင်းစာထဲမှာပဲ  .. . ။

မုန်းပြန်တော့လည်း  . ..
ဒီစာမျက်နှာမှာပဲ  . .။

စကားလုံးအထားအသိုတွေပြောင်းသွားတာပဲရှိတယ်နော်။

အကန့်အသတ်တွေကြားထဲမှာ
ကန့်သတ်ချက်မျည်းကြေားအောက်မှာ . .
တကယ်ရှိနေသင့်တာကတော့
သင့်လျှော်သောရာသီဥတုနဲ့သစ်ပင်စိုက်ပျိုးသူတွေပါပဲ။

တကယ်မရှိသင့်တာကတော့ . .
အာဏာရှင်နဲ့ ခရိုနီအုပ်စုကြီးပေါ့။

ဒါလည်း . . .
ဘာတက်နိုင်မှာလည်း  . . .
ငါ့မှာမှ သေနတ်တစ်လက်မှမရှိတာကိုး  .. ။

ကောက်ကြော်းရာတွေထဲမှာ လှိုင်းတွေထလာတယ်။
သြော်  . . .
သူလည်း အနားမှမရခဲ့တာကိုး  . . .. ။
ရင်နာစွာဖြင့်
ဒိုးကြီး။