နေသည်လည်း အပြန် ၊ တိမ်သည်လည်းအပြန်
၊ ကျွန်တော်သည်လည်းအပြန်၊
အားလုံးအတွက် အပြန်ခရီးဟာ နီးသထက်နီးလာပြီ . .။
အခုမှ ကောင်းကင်သို့ သတိထားမိသည် တိမ်ခြေရာတို့
တစ်ရွေ့ခြင်းရွေ့ ၊
ငှက်တို့လည်း ဒီအချိန်အိပ်တန်းဆီသို့
..
တိမ်တို့အိမ်သို့ပြန်ချိန်မှာ ကျွန်တော်လည်း
အိမ်သို့ပြန်လာရာလမ်းပေါ်မှာပါပဲ
ထိုနေရာလေးက ကျောက်ပန်းတောင်းမြို့နဲ့
မိတ္ထိလာနှစ်ခုရဲ့အကြားကပါ။
တိမ်အပြန်ကိုကြည့်ပြီး ကျွန်တော်လည်း
အိမ်ကိုပြန်ရဦးမယ်မဟုတ်ပါလား။
ကျွန်တော်တည်းဟူသော သတ္တလောကကြီးတစ်ခုလုံးသည်
တစ်ညနေမှ
တစ်နံက်ခင်းသို့ ကူးသန်းရင်း တိမ်တို့အိမ်ပြန်သကဲ့သို့နှယ် .. ။
ကျွန်တော် ကောင်းကင်ကိုသေချာသတိထားမိတာက
တိမ်တွေခြေရာဟာ
ငှက်လေးတစ်ကောင်အိပ်တန်းပြန်နေတဲ့သဏ္ဍာန်လိုပါပဲ။
ယင်းစက္ကန့်ပိုင်းလေးကို အမိအရဓာတ်ပုံရိုက်ရင်း
တိမ်တွေရဲ့တီးတိုးရွတ်ဆိုသံကို
ကြားလိုက်ရပါတယ် ။
“ ဘဝဟူသည် ခဏလေး ”
“ ထိုအခိုက် အတ္တမာနများကို လွှတ်ချကြ”
“ ကိုယ်မပိုင်တဲ့ ပြည်သူပိုင်တွေကို ရောင်းမစားနဲ့
”
“ သံယံဇာတကနဲ့လည်းလိုက်တဲ့ဒေါ်လာငွေဟာ
စက္ကူအစစ်တွေဆိုတာမင်းနားလည်ပါ”
“ အာဏာရှင် ခရိုနီဆိုတာ အဖိုးမတန်တဲ့ စက္ကူတွေကို
အဖိုးတန်တဲ့သယံဇာတနဲ့လည်း
နေတဲ့ ကောင်တွေပါပဲ”
“ လယ်လုပ်ရင်း ထမင်းငတ်တာ မြန်မာပြည်အာဏာရှင်စနစ်”
“ ဖောင်စီးရင်း ရေလမ်းပျောက်တာ မြန်မာပြည်အာဏာရှင်စနစ်”
“ တောင်တွေကို မြေမှုန်ဘဝပြောင်းသွားတာ မြန်မာပြည်အာဏာရှင်စနစ်”
“ ဘိုးဖွားပိုင်မြေမှ တပ်ပိုင်မြေသို့ကူးပြောင်းသွားတာမြန်မာပြည်အာဏာရှင်စနစ်”
“ သစ်တောနှင့်သစ်ပင် ချစ်ခင်တဲ့လူမျိုးဘဝမှတရုတ်ပြည်သို့
ကားပေါ်တင်ခေါ်သွားခံလိုက်ရတာ မြန်မာပြည်အာဏာရှင်စနစ်”
သြော် .. .
တိမ်အပြန် . ..
တိမ်အပြန် .. .
တိမ်အပြန် .. .
သူ့ကဗျာက တကယ့် ကဗျာအစစ်ပါလားနော် . . ။
သဗ္ဗေသတ္တာ မရဏန္တိ
ဒိုးကြီး (ဝိဘဇ္ဇ)
No comments:
Post a Comment