အိပ်မက်ထဲမှာတောင်ငိုသံတွေနဲ့
မျက်ရည်စတွေတောင် စမ်းမိနေသေးတယ်။
တစ်အိပ်ကို. . .
တစ်ဆိတ်လုပ်ရမယ့်ဒီညအတွက်
ချစ်သူအနမ်းဟာနှင်းဆီးစူးတွေလိုပါပဲလား။
ငါ့ရဲ့ ဂယောင်ခြောက်ခြားညမှာ
ကိုယ့်ကိုယ်ကိုသတ်သေခဲ့ကြတဲ့ ကြယ်တွေတစ်ပွင့်ပြီးတစ်ပွင့်။
လက်ကျန်ခွက်ကိုသတိရလို့ ထအသွား
လက်ပြန်တိုက်မိလိုက်တဲ့အသံက
ငါ့ကို သွေးပျက်စေခဲ့တယ်။
အပူရည်တွေကိုမြိုရပါများတော့
အာခံတွင်းတွေက ငရဲငွေ့တွေထွက်နေသလိုမျိုး။
ဘုံဆိုင်က
ခွေးခြေခုံအကျိုးလေးတောင်
ငါ့ထက်ခန့်ညားနေဦးမှာ။
တော်ပြီ .. . မှားခဲ့ပြီ . ..
ဒီညရဲ့ နောက်နံက်ခင်းမှာ
ငါ့ဘ၀ကို သေချာလျှော်ဖွတ်လိုက်ပါ့မယ်။
အားလုံးမင်္ဂလာပါ
ဒိုကြီး
No comments:
Post a Comment