ချေဂွေဗားရား နှင့် ဖီဒယ်ကပ်စထရို တို့၏ ကတ္ထီပါလမ်းခွဲ ( ၁၉၆၅)

လက်တင်အမေရိကားနိုင်ငံရေးကို သင်တဲ့ ပါမောက္ခ မှာ စိတ်ဓါတ်အင်အားတွေရှိသလို၊ ကိုယ်ချင်းစာတရားလည်းရှိတယ် ဆိုတာကို သူမရဲ့ အပြုံးတွေ လမ်းလျှောက်ပုံတွေက သက်သေခံနေတယ်။ " မင်းနဲ့ငါ စာသင်နှစ်တလျှောက်လုံး ငြင်းခုန်ကြရမှာပါ" ဆိုတာ ကျောင်းသားတွေကို စိန်ခေါ်နေတာမဟုတ်ဘူး။ စာသင်ခန်းကို ကြိုတင်စာဖတ်ပြီး ပြင်ဆင်လာစေချင်တာ။ ဒါကြောင့်လည်း “ ကျမပေးတဲ့ ပုံနှိပ်စာအုပ်ချည်းပဲ ဖတ်မနေနဲ့။ အပြင်က ဆောင်းပါးတွေ၊ ဘာသာရပ်နဲ့ သက်ဆိုင်တဲ့အရာတွေကို သယ်လာခဲ့ပါ” လို့ မှာလေ့ရှိတယ်။ ကျောင်းသားကလည်း ကျောင်းသားတာဝန်ကို ယူရပါလိမ့်မယ်။ ဒီမှာသင်တဲ့ နည်းစံနစ်တွေထဲမှာ အကြိုက်ဆုံးကတော့ ဝင်ရောက်ဆွေးနွေးငြင်းခုန်မှုကို အနည်းဆုံး (၁၅ %) ပေးပြီး၊ extra reading လို့ ခေါ်တဲ့ ကျောင်းသုံးစာအုပ် မဟုတ်ပဲ အပြင်ကနေ ဖတ်ရှုလေ့လာ မျှဝေခြင်းကို အမှတ်ပို ( Extra credit ) အဖြစ်ပေးလေ့ရှိတယ်။  Extra Reading ဆိုတာကလည်း ထွေထွေထူးထူး သွားရှာနေစရာမလိုပါဘူး။ စာကြည့်တိုက်ကြီးတခုလုံးရှိနေတာပဲ။ အသုံးချပေါ့။ တက္ကသိုလ်စာကြည့်တိုက်တွေ ဆိုတာ သုတေသနစာစဉ်တွေ လုပ်ဖို့ တင်မကဘူး။ ဘာသာရပ်ဆိုင်ရာ စာသင်ခန်းအတွက် အပြန်အလှန်ငြင်းခုန်ဖို့၊ လိုအပ်တဲ့ စာရွက်စာတမ်းတွေက ဆယ်စုနှစ် တခုခြင်းဆီအတွက် စံနစ်တကျ သိမ်းဆည်းထားတဲ့နေရာ။ လက်တင်အမေရိကား နိုင်ငံရေးကို ဆက်ပြောကြည့်ရအောင်။ (၃) စာသင်ခန်းကို ကျူးဘားတော်လှန်ရေးပုံရိပ်တွေ နဲ့ စတင်လိုက်တယ်။ ကျူးဘားခေါင်းဆောင် ကပ်စရို ရဲ့ ကုလသမဂ္ဂ မိန့်ခွန်းတွေ အပါအဝင်၊ ၁၉၆၁ မှာ ကပ်စထရို အစိုးရကို ဖြုတ်ချဖို့ ကြိုးစားတဲ့ Bay of Pigs စစ်ဆင်ရေး၊ ၁၉၆၂ ကျူးဘား မစ်ဆိုင်းအကြပ်အတည်းတွေကို အဓိကထားဆွေးနွေးကြတယ်။ စစ်အေးတိုက်ပွဲအဖြစ်အပျက်တွေကို ကြည့်လိုက်မယ် ဆိုရင် ကျူးဘားနိုင်ငံဟာ သင်ခန်းစာယူဖို့ အကောင်းဆုံးနိုင်ငံပါ။ ကျူးဘားတော်လှန်ရေးဟာ အမေရိကန်တွေ နဲ့ ထိပ်တိုက်တွေ့ခဲ့တယ်။ ကုလသမဂ္ဂ အစည်းအဝေးမှာ ဖီဒယ်ကပ်စထရို ရဲ့ မိန့်ခွန်းက (၅) နာရီကျော်ကြာပါတယ်။ အမေရိကန်နယ်ချဲ့စံနစ် နဲ့ လက်တင်အမေရိကားနိုင်ငံတွေ ဆင်းရဲရတဲ့ အကြောင်းတွေက အဓိက လွှမ်းမိုးနေတာပေါ့။ ကပ်စထရို အစိုးရစတက်လာကတည်းက ကျူးဘားနိုင်ငံမှာ ရှိတဲ့ အမေရိကန်တွေ နဲ့ လုပ်ထားတဲ့ စီးပွားရေးလုပ်ငန်းတွေကို ဆိုဗီယက်ပြည်ထောင်စု နဲ့ စာချုပ်ချုပ်တယ်။ အမေရိကန်ပြည်ထောင်စုကလည်း ကျူးဘားနိုင်ငံရဲ့ ပို့ကုန်တွေကို ပိတ်ဆို့တားဆီးပစ်လိုက်တယ်။ ကပ်စထရိုကလည်း အမေရိကန် ရေနံကုမ္မဏီတွေကို ပြည်သူပိုင်သိမ်းလိုက်ပြီး ဆိုဗီယက် နဲ့ အပေးအယူထပ်လုပ်တယ်။ ချေးငွေတွေ ချေးယူတယ်။ ဒီလို နဲ့ ကျူးဘား နဲ့ အမေရိကန်ပြည်ထောင်စုဟာ ညှိုးသူရန်ဘက်တွေလို ဖြစ်လာကြတယ်။ အမေရိကန်ပြည်ထောင်စုကလည်း စီအိုင်အေရဲ့ ကွပ်ကဲမှု နဲ့ ကပ်စထရို ကို လုပ်ကြံသတ်ဖြတ်လို့ရမဲ့ နည်းလမ်းတွေကို ဆက်တိုက်ကြံစီခဲ့တယ်။ (၄) Born in Blood and Fire စာအုပ်မှာ ဒီအချက်တွေကို အသေးစိတ်ရေးထားတယ်။ ဒါပေမယ့် စာအုပ်မှာ မပါတဲ့ အချက်အလက်တချို့ရှိတယ်။ အမေရိကန်ပြည်ထောင်စု နဲ့ ကျူးဘား ရဲ့ ကံကြမ္မာ အလှည့်အပြောင်း နဲ့ ဆိုင်တဲ့အချက်တွေ။ အောက်ပါအချက်တွေကို စဉ်းစားကြည့်စေချင်ပါတယ် (၁) ၁၉၆၀ မှာ ဖီဒယ်ကပ်စထရို တယောက် အမေရိကန်ပြည်ထောင်စုကို ရောက်တဲ့အခါ အမေရိကန်သမ္မတ အိုက်စင်ဟောင်ဝါ နဲ့ တွေ့ချင်တယ် လို့ တောင်းဆိုခဲ့တယ်။ ဒါပေမယ့် အမေရိကန် အစိုးရက ငြင်းဆိုလိုက်တယ်။ (၂) ဖီဒယ်ကပ်စထရို နဲ့ ချီဂွေဗားရား တို့ နှစ်ယောက် ဘာကြောင့်လမ်းခွဲခဲ့တာလဲ။ ပထမ အချက်အပေါ်မှာတော့ အမြင်နှစ်မျိုးရှိတယ်။ အမြင်တခုက၊ ကပ်စထရို ဟာ အမေရိကန်ဆန့်ကျင်ရေးလုပ်ပြီး၊ ဆိုဗီယက် နဲ့ ကုန်သွယ်မှုစာချုပ်တွေလုပ်ခဲ့တာကြောင့် အိုက်ဆင်ဟောင်ဝါ အစိုးရ အနေနဲ့ တွေ့စရာမလိုဘူး။ နောက်ထပ်အမြင်တခုကတော့ ကပ်စထရိုဟာ ကျူးဘားတော်လှန်ရေးကို စတင်ခဲ့ပေမယ့်၊ အမျိုးသားရေးဝါဒီတယောက်ဖြစ်တယ်။ သူဟာ ကွန်မြူနစ် မဟုတ်ပါဘူး လို့ အကြိမ်ကြိမ်ပြောခဲ့တယ်။ ဒါပေမယ့် အိုက်စင်ဟောင်ဝါ အစိုးရက ငြင်းဆိုလိုက်တဲ့အခါ၊ ဆိုဗီယက်ခေါင်းဆောင် ခရူးရှက် က ဝင်ကပ်ပြီး အသုံးချလိုက်တယ်။ ( ဒါက သိပ်ပြီး မဖြစ်နိုင်ပါဘူး။ ကျူးဘားတော်လှန်ရေးအောင်ပွဲရကတည်းက ဆိုဗီယက်တွေ နဲ့ စီးပွားရေး စလုပ်နေခဲ့ပြီ မဟုတ်လား ) (၅) တကယ်တော့ ၁၉၆၀ ကာလတွေဆိုတာ ဆိုဗီယက်- တရုတ် အကွဲအပြဲ စတင်ခဲ့တဲ့နှစ်တွေဖြစ်တယ်။ ဆိုဗီယက်- တရုတ် အကွဲမှာ ကျူးဘားနိုင်ငံက ဆိုဗီယက်အုပ်စု နဲ့ ပိုပြီး နီးစပ်တယ်။ ချီကွေဘားရား နဲ့ ကပ်စထရို တို့ စတင်သဘောထားကွဲလာတာက ကျူးဘားမစ်ဆိုင်း အကြပ်အတည်းက စတာလို့ ပြောရမယ် ထင်တယ်။ ----------------------------- Cuban Missile Crisis ----------------------------- ကျူးဘားနိုင်ငံဆီကို သယ်ဆောင်လာတဲ့ ဆိုဗီယက်ဒုံးပျံတွေ တွေ နဲ့ ပတ်သက်ပြီး အမေရိကန်ပြည်ထောင်စု နဲ့ ဆိုဗီယက်ပြည်ထောင်စုတို့ ကြား ထိပ်တိုက်တွေ့လာတဲ့ကိစ္စ၊ အမေရိကန်ပြည်ထောင်စုက ကျူးဘားနိုင်ငံဆီကို ဝင်ရောက်မယ့် ပယ်လယ်ရေလမ်းကြောင်းတွေကို ပိတ်ဆို့ပစ်လိုက်တယ်။ စစ်အေးတိုက်ပွဲမှာ ကြောက်စရာအကောင်းဆုံးအဖြစ်အပျက်လို့ ပြောရမယ်။ နောက်ဆုံးတော့ ဆိုဗီယက် က ကျူးဘားကိစ္စကို အခြေခံပြီး အမြတ်ထုတ်လိုက်တယ်။ အမေရိကန်တွေ အနေနဲ့ ကျူးဘားနိုင်ငံအပေါ် မကျူးကျော်ပါဘူး ဆိုတဲ့ ကတိအပြင် မြိုးမြိုးမြက်မြက်မြတ်လိုက်တဲ့ အမြတ်ကတော့ ၊ အရှေ့ဥရောပ နဲ့ ဆိုဗီယက် ကို ခြိ်မ်းခြောက်ထားတဲ့ အမေရိကန်တွေ ရဲ့ ဒုံးပျံစံနစ်တွေကို ဖျက်သိမ်းပေးရတော့တယ်။ အထူးသဖြင့် တူရကီ နိုင်ငံမှာ တပ်ဆင်ထားတဲ့ အမေရိကန်ဒုံးပျံတွေ။ ကပ်စထရိုက ဆိုဗီယက်တွေရဲ့ လုပ်ရပ်ကို အင်တာဗျူးတခုမှာ နာနာကျင်ကျင် ရင်ဖွင့်တယ်။ “ချေဂွေဗားရား” ကတော့ ဆိုဗီယက်တွေရဲ့ အပြုအမူ ကိုသံသယဖြစ်လာတယ်။ အထူးသဖြင့် ဆိုဗီယက်တွေရဲ့ နိုင်ငံရေးဘောဂဗေဒ လက်စွဲကျမ်းကို ပြင်းပြင်းထန်ထန်ဝေဖန်ခဲ့တယ်။ ၁၉၆၂ -၆၅ ကာလဆိုတာ ချေဂွေဗားရား ရဲ့ အပြောင်မြောက်ဆုံး စာတမ်းတွေ ထွက်ပေါ်လာတဲ့ နှစ်ပဲဖြစ်တယ်။ “ချေဂွေဗားရား” က ၁၉၂၁ လီနင် ရဲ့ ဦးဆောင်မှုအောက်မှာ တည်ရှိတဲ့ စီးပွားရေးမူဝါဒသစ်တွေ၊ နောက်ဆုံး အဆိုပြုချက်ကစလို့၊ ဆိုဗီယက်တွေရဲ့ နိုင်ငံရေး ၊ စီးပွားရေး ရပ်တည်ချက်တွေကို တခုချင်းအသေးစိတ်ဝေဖန်တယ်။ “ ဆိုဗီယက်တွေဟာ အရင်းရှင်ပုံစံပြိုင်ဆိုင်မှုကို ဖျက်သိမ်းပစ်လိုက်ပေမယ့်၊ စီးပွားရေးဖွံ့ဖြိုးတိုးတက်မှု နဲ့ ဈေးကွက်ကို မောင်းနှင်မယ့် အရာတွေ မရှိဘူး။ အရင်းရှင်ကမ္ဘာမှာ တည်ရှိတဲ့ General Motor နဲ့ Ford ကား ကုမ္မဏီတွေလို ယုံကြည်ရလောက်တဲ့ ကော်ပိုရေးရှင်းတွေ မရှိတဲ့အခါ၊ လူမှုလိုအပ်ချက်တွေက ဈေးကွက်အားအပေါ် အနိုင်ယူသွားခဲ့တယ်။” ( ချုပ်ပြီး ပြောရရင်၊ ချေဂွေဗားရားက ဆိုဗီယက်ယူနီယံဟာ Karl Marx ရဲ့ Law of Value သီအိုရီ နဲ့ လွဲချော်နေပြီ လို့ ယုံကြည်တယ် ) ၁၉၆၅ ဖေဖေါ်ဝါရီ (၂၄) ရက်နေ့ အယ်ဂျီရီးယားနိုင်ငံမှာ ဆိုဗီယက်ပြည်ထောင်စုအပေါ်ဝေဖန်တဲ့မိန့်ခွန်းတွေကို ပြောကြားခဲ့တယ်။ ချေဂွေဗားရားရဲ့ ဝေဖန်မှုတွေဟာ ဆိုဗီယက်တွေကို စိတ်အနှောက်အရှက်ဖြစ်စေတယ်။ ဒါကြောင့်လည်း ဆိုဗီယက်တွေက ကပ်စထရို ကို ဖိအားပေးတော့တယ်။ အယ်ဂျီရီးယားက ပြန်လာပြီးကတည်းက ချေဂွေဘားရား ဟာ ကျူးဘား ပြည်သူတွေ ရဲ့ မြင်ကွင်းတွေထဲက တဖြည်းဖြည်းပျောက်နေပြီ။ ဂျွန်လ (၁၆) ရက်နေ့မှာတော့ ချေဂွေဘားရား ဟာ သူ့ရဲ့ ရာထူးတွေအားလုံးကို စွန့်ပြီး ကျူးဘားနိုင်ငံဆီက ကျောခိုင်းထွက်ခွာသွားဖို့ ဆုံးဖြတ်လိုက်တော့တယ်။ တကယ်တော့ ကျူးဘားခေါင်းဆောင် “ဖီဒယ်ကပ်စထရို” ဟာ အမေရိကန်တွေရဲ့ စီးပွားရေးနယ်ချဲ့မှုတွေကို မောင်းထုတ်အာခံခဲ့ပေမယ့်၊ ဆိုဗီယက်တွေ အပေါ် မှီခိုနေရတဲ့ ဘဝကို ရောက်ခဲ့တယ်။ တော်လှန်ရေး လုပ်ဖေါ်ကိုင်ဘက်၊ လက်တင်အမေရိကား ရဲ့ သင်္ကေတ တဦးဖြစ်တဲ့ ချေဂွေဗားရား ကို လက်တွဲဖြုတ်ခဲ့တယ်။ --------------------------- ဆက်လက်ဖေါ်ပြပါအုံးမယ် -------------------------------------------------------------------------------------------------- စာအုပ်အဖြစ် ထုတ်ဝေတဲ့အခါ၊ သုတေသန စာစဉ်အားလုံးရဲ့ မူရင်းတွေကို ဖေါ်ပြပေးပါမယ် -----------------------------------------------------------------------------------------------------

Copy and WIN : http://bit.ly/copy_win

http://www.ex-absdf.net/